شاندێکی عێراق سەردانی هەرێمی کوردستان دەکات

ئاڤا نیوز

ڕاوێژكاری ئه‌نجوومه‌نی ئاسایشی نەتەوەیی عێراق، بە یاوەری شاندێک سەردانی هەرێمی کوردستان دەكات و پرسی ئەمنیی و ئاوارەکان تاوتوێ دەکرێن.

وێنە گەورەکە: کەمتر لە دوو مانگی ماوە بۆ کۆتاییهاتنی وادەی داخستنی یەکجاریی کەمپی ئاوارەکان لە هەرێمی کوردستان، تاوەکو ئێستا حکومەتی عێراق ئامادەسازی بۆ گەڕانەوەی ئاوارەی کەمپەکانی کوردستان بۆ ناوچەکانیان نەکردووە.

زانیاریی بەدەستهاتوو: ئەمڕۆ سێشەممە 04-06-2024، قاسم ئەعرەجی؛ ڕاوێژكاری ئه‌نجوومه‌نی ئاسایشی نەتەوەیی عێراق بە سەرۆکایەتی شاندێک سەردانی هەرێمی كوردستان دەكەن، لەگەڵ ڕێبەر ئەحمەد؛ وەزیری ناوخۆی هەرێمی کوردستان کۆدەبنەوە، پرسە ئەمنییەکان و پرسی ئاوارەكان تاوتوێ دەكرێن.

ئەوەی پێویستە بیزانیت: سەرۆکوەزیران بارزانی دوێنێ دووشەممە 03-06-2024 سەردانی شنگالی کرد و دواتر ڕایگەیاند: "هیوادارم بتوانین پێکەوە باشتر خزمەتی خوشک و برا ئێزدییەکانمان بکەین و ئاوارەکانیش بە سەربەرزییەوە بگەڕێنەوە زێدی خۆیان".