وەزیری بەرگریی تورکیا سەردانی بەغدا و هەولێر دەکات

ئاڤا دیجیتاڵ

ئەم هەفتەیە وەزیری بەرگریی تورکیا بە سەردانێک دەگاتە عێراق، لە بەغدا و هەولێر لەگەڵ بەرپرسانی باڵای حکومەتی عێراق و هەرێمی کوردستان کۆدەبێتەوە.

زانیاریی تایبەت: بەپێی ئەو زانیارییانەی دەست ئاڤا نیوز کەوتووە، رۆژی سێشەممەی ئەم هەفتەیە یەشار گیولەر، وەزیری بەرگریی تورکیا دەگاتە بەغدا، دواتریش سەردانی هەولێر دەکات و کۆبوونەوەی لەگەڵ بەرپرسانی باڵای هەرێمی کوردستان دەبێت.

بۆچی گرنگە: سەردانی وەزیری بەرگریی تورکیا، کە وڵاتێکی بەهێزی ئەندام لە ناتۆیە بۆ عێراق و هەرێمی کوردستان، لەم کاتەدا کە ڕۆژهەڵاتی ناوەڕاست بەگشتی و عێراق بەتایبەتی پێیدا تێدەپەڕن، چاوەڕێ دەکرێت ئەنجامەکانی کاریگەر بن.

زانیاریی زیاتر: تورکیا و هەرێمی کوردستان هەمیشە پەیوەندییەکانیان بە "دۆستانە" ناودەبەن لە بواری سیاسی، ئابووری و ئەمنی. کۆتایی مانگی رابردووش ئیبراهیم کاڵن، سەرۆکی دەزگای هەواڵگریی تورکیا (میت) سەردانی هەولێری کرد و لەگەڵ سەرۆک بارزانی کۆبووەوە. بەپێی راگەیێنراوی کۆبوونەوەکە، " "جەخت لەسەر پەیوەندییەکانی نێوان هەرێمی کوردستان و تورکیا و هەماهەنگییەکان بۆ پاراستنی ئارامی و سەقامگیری کراوەتەوە."