كۆمسیۆنی عێراق دەرگای خۆتۆماركردن بۆ حیزب و هاوپەیمانییەكان دەكاتەوە

ئاڤا نیوز

كۆمسیۆنی باڵای سەربەخۆی هەڵبژاردنەكانی عێراق، دەرگای خۆتۆماركردن بۆ حیزب و هاوپەیمانی و كاندیدە سەربەخۆكان بۆ هەڵبژاردنی پەرلەمانی کوردستان دەكاتەوە.

لێدوانی فەرمی: جومانە غولای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی ڕاگەیاند: لە هەشت بۆ 13ی مانگی شەش دەرگای خۆتۆمارکردن بۆ حیزب و هاوپەیمانی و کاندیدە سەربەخۆکان دەکرێتەوە بۆ بەشداریکردن لە هەڵبژاردنی خولی شەشەمی پەرلەمانی کوردستان.

 

وێنە گەورەکە: بڕیارە ئەمساڵ خولی شەشەمی هەڵبژاردنی پەرلەمانی کوردستان بەڕێوە بچێت و ژمارەی کورسییەکان 100 کورسی دەبێت؛ سەرۆکوەزیران بارزانی لە میانی کۆبوونەوەی لەگەڵ باڵیۆزی بەریتانیا گوتی، "جەخت لەسەر بەڕێوەچوونی هەڵبژاردنی پەرلەمانی کوردستان دەکەین لە کاتێکی گونجاوی ئەمساڵدا".

 

ئەوەی پێویستە بیزانیت: بڕیار بوو ڕۆژی 10-6-2024 هەڵبژاردنی پەرلەمانی کوردستان ئەنجام بدرێت، بەڵام بەهۆی تێبینییەکانی پارتی و پێکهاتەکان لەسەر بڕیارێکی دادگەی فیدڕاڵی، لەو وادەیە هەڵبژاردن بەڕێوە ناچێت.