وردەکاری لەبارەی ڕووداوی تەقەکردنەکەی کەرکووک

ئاڤا نیوز

 

لە ناوچەی قۆریه‌ی شاری که‌رکووک ڕووبەڕووبوونەوەیه‌کی چه‌کداری ڕوودەدات، پۆلیسێک دەکوژرێت و پۆلیسێکی دیکەش بریندار دەبێت، هەر سێ چەکدارەکە دەستگیرکراون و یەکێکیان بریندار بووە.

 

زانیاریی بەدەستهاتوو: سەرچاوەیەکی ئەمنی له پارێزگای کەرکووک بڵاوی کردەوه: "کاتژمێر حه‌وتی به‌یانیی ئه‌مڕۆ، مه‌فره‌زه‌یه‌ک له‌ هێزی فریاکەوتنی كه‌ركووك هەوڵیاندا ڕێگریی له‌ سێ کەس بكه‌ن کە خه‌ریكی دزیکردن بوون لە فرۆشگەیەک".

 

چی ڕوویدا: لەو ڕووبەڕووبوونەوەدا پۆلیسێک گیانی لەدەستدا و پۆلیسێکی دیکەش بریندار ده‌بێت. 

 

زانیاریی زیاتر: دوای ئاگاداركردنه‌وه‌ی هێزه‌ ئه‌منییه‌كان له‌ ڕووداوه‌كه‌، توانرا له‌ماوه‌ی نیو كاتژمێردا هەر سێ هێرشکارەکە دەستگیر بکرێن و یەکێکیان بریندار بووە.