قایمقامیەتی دەربەندیخان: هۆکاری ڕووداوەکەی ئەمڕۆ تەواو نەکردنی ڕێگایەک بوو

ئاڤا نیوز

نیوەڕۆی ئەمڕۆ تانکەرێکی سووتەمەنی لە فولکەی پەری دەریای قەزای دەربەندیخان وەرگەڕا و ئاگرێکی گەورەی لێ کەوتەوە، قایمقامیەتی دەربەندیخان هۆکارەکەی بۆ تەواونەکردنی ڕێگای "ناوتاق"دەگەڕێنێتەوە.

وێنە گەورەکە: ساڵانێکە قەزای دەربەندیخان ڕووبەڕووی کۆمەڵێک گرفتی ژینگەیی بووەتەوە، لەوانە ئاوی خواردنەوە و کێشەی کارگەکان، بەڵام وەرگەڕانی تانکەرەکەی ئەمڕۆ وایکردووە قایمقامیەت چەند بڕیارێک دەربکات.

ئەوەی ئێستا ڕوودەدات: قایمقامیەت کاری بەنزین فرۆشیی لەسەر شەقامی 30مەتری ئەو شارە قەدەغە کرد، هاوکات داوا لە وەزیری ناوخۆ و پارێزگای سلێمانی دەکەن تا ڕێگای "ناوتاق" تەواو دەبێت، ڕێگای جێگرەوە بۆ تانکەرەکان دابین بکەن. داوا لە بانکی سلێمانیش دەکەن پارەی پێویست تەرخان بکەن بۆ تەواوکردنی ڕێگاکە.