لەکاتی تاقیکردنەوەکانی پۆلی 12 دوو کاتژمێر ئینتەرنێت دەپچڕێت

ئاڤا نیوز 

وەزیری پەروەردە ڕایدەگەیێنێت، لە کاتی تاقیکردنەوەکانی پۆلی 12ی ئامادەیی لە سەرتاسەری هەرێمی کوردستان بۆ ماوەی دوو کاتژمێر ئینتەرنێت دەپچڕێت.

لێدوانی ڕۆژنامەوانی: د.ئالان حەمەسەعید، وەزیری پەروەردە ڕایگەیاند، هەماهەنگیان لەگەڵ وەزارەتەکانی ناوخۆ، کارەبا و گواستنەوە و گەیاندن کردووە بۆ ئەوەی لەگەڵیان هاوکاربن بۆ بەڕێوەچوونی تاقیکردنەوەکان.

زانیاریی زیاتر: هاوشێوەی ساڵی ڕابردوو ئەمساڵیش تەنیا دوو کاتژمێر ئینتەرنێت دەبڕێت، کاتژمێر شەش بۆ هەشتی بەیانی، بەگوتەی وەزیری پەروەردە ئەمەش کاریگەرییەکی ئەوتۆ ناکاتە سەر کۆمپانیاکان، ژیانی خەڵک و دامودەزگاکانی حکومەت.

ئەمەش بزانە: ئەمساڵ تاقیکردنەوەکانی کۆتایی پۆلی 12ی ئامادەیی بە هەموو بەشەکانیەوە لە ڕۆژی 23-6-2024 دەستپێدەکەن، هەفتانە دوو تاقیکردنەوە دەکرێن لە ڕۆژانی یەکەشەممە و چوارشەممەدا.