کۆمیسیۆن دەرگای خۆتۆمارکردن بۆ بەربژێر و پارت و هاوپەیمانێتییەکان دەکاتەوە

ئاڤا نیوز

كۆمیسیۆنی هەڵبژاردنەکانی عێراق دەرگای خۆتۆماركردن بۆ پارت و هاوپەیمانێتی و  بەربژێرەکان بۆ هەڵبژاردنی پەرلەمانی کوردستان دەكاتەوە.

وێنە گەورەکە: هەرچەندە تاوەکو ئێستا وادەیەکی نوێ بۆ هەڵبژاردن دیاری نەکراوە، بەڵام کۆمیسیۆن لە ئامادەکارییەکان بەردەوامە. چاوەڕوانیش دەکرێت بەمزووانە سەرۆکی هەرێمی کوردستان مەرسومێکی نوێ دەربکات و  ڕۆژێک لە مانگی 10ی ئەمساڵ دیاری بکات.

لێدوانی فەرمی: مەڕوان محەممەد ساڵح، بەڕێوەبەری نووسینگەی هەڵبژاردنەکانی پارێزگای هەولێر ڕاگەیاند: لەمڕۆوە تاوەکو 13ی ئەم مانگە، بەربژێرانی سەربەخۆ، پارت و پێکهاتە و هاوپەیمانییە نوێ‌یەکان دەتوانن ناوی خۆیان تۆمار بکەن.

لەلایەکی دیکەوە: جومانە غولای، گوتەبێژی کۆمیسیۆن بە ئاڤا نیوزی گوت: هەنگاوی گەورەمان لە ئامادەکارییەکان بڕیوە. 

باگکراوند: پێشتر 10 پارت و دوو هاوپەیمانێتی و زیاتر لە 50 بەربژێری سەربەخۆ بۆ بەشداریكردن لە هەڵبژاردن خۆیان تۆمار کردبوو.