پارێزگاری واست دەیەوێت سوود لە ئەزموونی ئاوەدانیی هەرێمی کوردستان وەربگرێت

ئاڤا نیوز

 
شاندێکی پارێزگای واست بە سەرۆکایەتیی پارێزگار سەردانی سەرۆک بارزانییان کرد، جەختیان لەسەر سوود وەرگرتن لە ئەزموونی هەرێمی کوردستان کردەوە بە تایبەتی لە بواری ئاوەدانیی.

ئەوەی پێویستە بیزانیت: ڕۆژی شەممە، سەرۆک بارزانی لە سەڵاحەددین، پێشوازی لە محەممەد جەمیل ئەلمیاحی، پارێزگاری واست و شاندێکی هاوپەیمانێتیی واست ئەجمەل و چەند پەرلەمانتارێکی عێراقی سەر بە پارێزگاکە کرد.

ڕاگەیێنراوی فەرمی: شاندەکە لەگەڵ سەرۆک بارزانی، تاوتوێی ڕێگاکانی هاوکاریکردنی لە بوارە جیاجیاکان کردەوە، بە تایبەتی لە بواری سوود وەرگرتن لە ئەزموونی ئاوەدانی و گەشەپێدانی پارێزگاکانی هەرێمی کوردستان.

زانیاریی زیاتر: محەممەد ئەلمیاحی سوپاسی سەرۆک بارزانیی کرد بۆ ئەو پێشوازییە گەرم و میواندارییە بەخشندەیە، ستایشی گیانی هاوکاری و پەرۆشی بۆ پتەوکردنی پەیوەندییەکانی نێوان هەموو پێکهاتەکان و پارێزگارەکانی عێراق کرد.