ئەمریکا هەوڵەکانی بۆ ئاگربەستی غەززە زیاتر دەکات

ئاڤا نیوز 

 

ئەمریکا هەوڵ دەدات گەڕێکی نوێی ئاگربەست لە غەززە دەستپێبکاتەوە و بۆ ئەم مەبەستەش ئەنتۆنی بلینکن، وەزیری دەرەوەی ئەمریکا، سەردانی ناوچەکە دەکات.

 

وێنە گەورەکە: بڕیارە ڕۆژی دووشەممە 10-06-2024، بلینکن سەردانی هەریەکە لە میسر و ئیسرائیل بکات و گوشارەکانی ئەمریکا بۆ سەر ئیسرائیل و حەماس بۆ ڕازیبوون بە ئاگربەست زیاتر بکات، دواتریش سەردانی ئوردن و قەتەر دەکات و لەگەڵ بەرپرسانی ئەو وڵاتانەش سەبارەت بە هەمان بابەت کۆ دەبێتەوە. 

 

لەلایەکی دیکەوە: ئەمریکا دەیەوێت دڵنیا ببێتەوە لەوەی کە شەڕی غەززە فراوانتر نابێت و لوبنان نابێتە بەشێک لە شەڕەکە. 

 

ئەوەی پێویستە بیزانیت: لە ماوەی هەشت مانگی شەڕی ئیسرائیل و حەماسدا، ئەمە هەشتەم جارە بلینکن سەردانی ناوچەکە دەکات.