فەرهاد پیرباڵ خۆی بۆ هەڵبژاردنی پەرلەمانی کوردستان بەربژێر کرد

ئاڤا نیوز 

 

فەرهاد پیرباڵ نووسەر و مامۆستای زانکۆ چووە ئۆفیسی هەولێری کۆمیسیۆنی هەڵبژاردنەکانی عێراق خۆی وەک بەربژێری سەربەخۆ تۆمار کرد.

 

وێنە گەورەکە: بۆ جاری دووەم فەرهاد پیرباڵ خۆی بۆ پەرلەمانی کوردستان بەربژێر دەکات، جاری ڕابردوو سەرەڕای بەدەستهێنانی سەرووی 10 هەزار دەنگ نەیتوانی کورسی پەرلەمان بەدەست بهێنێت.

 

لێدوانی فەرمی: فەرهاد پیرباڵ، بە ئاڤا نیوزی گوت، "ئەگەر دەرچم ئەوا کورد چانسی هەیە، ئەگەر دەرنەچم واتە کورد چانسی نییە، دەیگۆڕم، یان شێتتان دەکەم یان چاکتان دەکەم."

 

زانیاریی زیاتر: دەمەوێ سیستەم بگۆڕم و  پەیوەندییەکان ڕێکبخەمەوە لە بەرژەوەندیی میللەتی کورد.
فەرهاد پیرباڵ وایگوت.

 

ئەوەی پێویستە بیزانیت: کۆمیسیۆنی هەڵبژاردنی عێراق دوو ڕۆژە دەرگای خۆتۆمارکردنی بۆ حیزب، هاوپەیمانی و بەربژێرە سەربەخۆکان بۆ بەشداریکردن لە هەڵبژاردنی خولی شەشەمی پەرلەمانی کوردستان کردووەتەوە و تاوەکو 13ـی مانگی شەش  بەردەوام دەبێت .