وەزیری ئاوەدانکردنەوە: سەرجەم پڕۆژەکانی ڕێگەوبان ئەمساڵ دەستپێدەکەنەوە

ئاڤا نیوز

 

وەزیری ئاوەدانکردنەوەی حکومەتی هەرێمی کوردستان ڕایگەیاند، پێش کۆتایی ئەمساڵ پڕۆژەی جووتسایسدی ڕێگەی نێوان کەلار ـــ دەربەندیخان تەواو دەبێت.

 

وێنە گەورەکە: لە ماوەی چوار ساڵدا 240 پڕۆژەی ڕێگەوبان بە گوژمەی زیاتر لە 900 ملیار جێبەجێکراون، هەزار و 300 کیلۆمەتر قیڕکراوە جگە لەوەی ڕێگەی 200 گوند جێبەجێ کراوە.

 

لێدوانی فەرمی: دانا عەبدولکەریم، وەزیری ئاوەدانکردنەوە و نیشتەجێکردن لە کۆنگرەیەکی ڕۆژنامەوانیدا ڕایگەیاند، "بە خەرجکردنی بودجەی وەبەرهێنان هەرێمی کوردستان لە بودجەی گشتیی سەرجەم پڕۆژەکانی 2024 دەستپێدەکەنەوە و ئەگەر گرفتی دارایی نەیەتە پێش ئەوا پێش کۆتایی ئەمساڵ پڕۆژەی ڕێگەی دەربەندیخان ــ کەلار تەواو دەبێت تەواو دەبێت".

 

ئەوەی پێویستە بیزانیت: 57 کیلۆمەتر لەکۆی 80 کیلۆمەتر لە جووتسایسدی ڕێگەی نێوان کەلار - دەربەندیخان تەواو بووە، زیاتر لە 35 پردی تێدایە بەشێکی زۆریان لە قۆناغی کۆتایی دان.