بە گوژمەی حەوت ملیار دینار شەقامەکانی زاخۆ قیڕتاو دەکرێن

ئاڤا نیوز

 

بە گوژمەی حەوت ملیار دینار شەقام و گەڕەکەکانی ئیدارەی سەربەخۆی زاخۆ قیڕتاو دەکرێن و بڕیاریشە سەرجەم شەقامەکانی ئەو شارە ببن بە قیڕ.

 

لێدوانی فەرمی: گوهدار شێخۆ، سەرپەرشتیاری ئیدارەی سەربەخۆی زاخۆ لە کۆنگرەیەکی ڕۆژنامەوانیدا ڕایگەیاند: قۆناغی سێیەمی پڕۆژەی قیرتاوکردنی شەقامەکانی زاخۆ دەستیپێکردووە کە لەسەر ڕاسپاردەی سەرۆکوەزیران بارزانی گوژمەی حەوت ملیار دیناری بۆ تەرخان کراوە.

 

زانیاریی زیاتر: سێیەم قۆناغی پڕۆژەکە لە ماوەی چوار مانگدا جێبەجێ دەکرێت و ئێستا 81%ـی شەقامەکانی شاری زاخۆ قیرتاو کراون.

 

ئەوەی پێویستە بیزانیت: تەنیا 19%ـی شەقامەکانی زاخۆ قیڕتاو نەکراون و بە قۆناغی چوارم هەموو ئەوەی ماوە قیڕ دەکرێن و شەقام و گەڕەکەکانی ئەو شارە بە ڕێژەی 100% دەبن بە قیڕ.

 

لەلایەکی دیکەوە: هەر لە زاخۆ و لە چوارچێوەی پێشکەشکردنی خزمەتگوزارییەکاندا بە گوژمە سێ ملیار و 500 ملیۆن دینار هەموو شۆستەکان وەک یەک ئاست و هاوشێوەی یەک دەکرێن.