زیاتر لە 100 دار لە هەولێر بەهۆی ڕەشەباوە شکاون

ئاڤا نیوز  

شەوی ڕابردوو نزیکەی 100 دار بەهۆی رەشەباوە لە شاری هەولێر شکاون، شوێنی ئەو دارانەی شکاون لەلایەن تیمەکانی ئەندازەی پارکەکان خاوێن دەکرێنەوە.

وێنە گەورەکە: شەوی ڕابردوو ڕەشەبا بە خێرایی زیاتر لە 20 کیلۆمەتر لە کاتژمێرێکدا لە شاری هەولێر هەڵیکرد و زیانی بە ژمارەیەک دار و درەخت گەیاند.

لێدوانی فەرمی: ئەندازیار رێبین ئەحمەد، بەڕێوەبەری ئەندازەی پارکەکان بە ئاڤا نیوزی گوت: ئەو دارانەی شکاون زیاتر لە جۆری شەماسی و هەندێک داری کالیپتۆزن، ئەو دارانە بەرگەی رەشەبا ناگرن بۆیە لە پێنج ساڵی ڕابردوو ئەو جۆرە دارانە ناڕوێنین و زیاتر ئەو دارانە بەرهەم دەهێنین و دەچێنین کە بەرگەی ڕەشەبا بگرن و لەگەڵ کەش و هەوای هەولێر بگونجێن.

زانیاریی زیاتر: شوێنی ئەو دارانەی شکاون لەلایەن تیمەکانی ئەندازەی پارکەکان خاوێن دەکرێنەوە، ئەو دارانەش کە لق و پۆپیان ماوە هەڵپاچینیان بۆ دەکرێت و ئەوانەشی بە تەواوی شکاون و سودیان نەماوە، نەمامی دیکە لە شوێنیان دەچێنرێت.