زیا پترۆس لەسەر كورسی كۆتای كریستیانەكان خۆی بەربژێر دەكات

ئاڤا نیوز

 

زیا پترۆس خۆی لەسەر پێكهاتەی كریستیانەكان بۆ هەڵبژاردنی پەرلەمانی كوردستان تۆماركرد، دەشڵێت "خۆم بە نوێنەری هەموو كوردستان دەزانم".

وێنە گەورەکە: بەگوێرەی ڕێنمایی کۆمیسیۆن، بەربژێری کۆتاکان نابێت لەنێو هیچ لیستێکدا بن.

ئەوەی پێویستە بیزانیت: لە بازنەی  هەولێر دوو کورسیی کۆتا بۆ پێکهاتەکان دانراون، یەكێکیان بۆ تورکمان و ئەوەی دیکەشیان بۆ کریستیانەکانە. 

 

لێدوانی فەرمی: زیا پترۆس بەربژێری پێکهاتەی کریستیان بە ئاڤانیوزی گوت : پێشتر وەک بەربژێری سەربەخۆ لە کورسی گشتی خۆم کاندید کردبوو، لەلایەن کۆمسیۆنەوە پەسەند کرابووم ، جارێکی دیکە سەردانی کۆمیسیۆنم کرد و داواکاریم پێشکەش کرد تا بەربژێر بوونم لە کورسی گشتی بگوازمەوە بۆ کورسی کۆتای (کلدان،سریان،ئاشوری) .

زانیاریی زیاتر: "ڕاستە من وەک نوێنەری (کلدان، سریان، ئاشوری) دەچمە پەرلەمان، بەڵام من خۆم بە نوێنەری هەموو کوردستان دەزانم و بۆ بەرژەوەندی باڵای هەرێمی کورستان کاردەکەم". زیا پترۆس وای گوت.