ناوەڕۆکی ڕەشنووسی ئاگربەستی غەززە

ئاڤا نیوز 

کەمێک لەمەوبەر پێشنیازی ئاگربەستی غەززە لەلایەن ئەنجوومەنی ئاسایشی نێودەوڵەتی لە کۆی 15 دەنگ، بە 14 دەنگی بەڵێ پەسەندکرا، رووسیا خۆی لە دەنگدان بە دوورگرت.

ئەوەی پێویستە بیزانیت: قۆناغی یەکەم ئەم خاڵانە لەخۆدەگرێت: ئاگربەستی "دەستبەجێ و تەواو"،ئازادکردنی زیندانیانی ژێر دەستی حەماس، "ئاڵوگۆڕ"ی زیندانیانی فەلەستینی، کشانەوەی سوپای ئیسرائیل لە "ناوچە دانیشتووەکانی غەززە" و چوونە ژوورەوە لە یارمەتییە مرۆییەکان.

زانیاریی زیاتر: بەگوێرەی دەقەکە، ئەگەر جێبەجێکردنی قۆناغی یەکەم زیاتر لە شەش هەفتەی بخایەنێت، ئاگربەستەکە "تا دانووستانەکان بەردەوام بن" بەردەوام دەبێت.

باکگراوند: بەهۆی شەڕی غەززەوە لەنێوان ئیسرائیل و حەماس، زیاتر لە 36 هەزار کەس کوژراون کە زۆرینەیان ژن و منداڵن، شارەکەش بەتەواوی خاپوور بووە.

بۆچی گرنگە: پەسەندكردن و پاشان جێبەجێكردنی ئاگربەستەكە، وادەكات كوشتار و ئاوارەیی دانیشتووانی غەززە كۆتایی بێت.