ئاگرەکەی گەراجی هاتوچۆی هەولێر کۆنتڕۆڵ کرا

ئاڤا نیوز

 

ئاگرێک لە گەراجی ماتۆڕسکیلەکانی بەڕێوەبەرایەتیی هاتوچۆی هەولێر کەوتەوە و دوای ماوەیەک، کۆنتڕۆڵ کرا.

 

زانیاریی پەیامنێر: ڕزگار کۆچەر، پەیامنێری ئاڤا نیوز ڕایگەیاند: ئاگر لە گەراجی ئەو ماتۆڕسکیلانە کەوتووەتەوە کە هیچ بەڵگەنامەیەکی فەرمییان نییە، دوای کەمتر لە کاتژمێرێک تیمەکانی بەرگریی شارستانی توانیان ئاگرەکە کۆنتڕۆڵ بکەن.

 

هۆکارە زانراوەکان: ئاگرەکە بەهۆی پووش و پەڵاشەوە بووە و دواتر گوازراوەتەوە بۆ ماتۆڕسکیلەکان، لەبەر ئەوەی بەنزین لە ماتۆڕەکاندا هەبووە ئاگرەکە زیاتر تەشەنەی کردووە.

 

ئەوەی پێویستە بیزانیت: ئەو ماتۆڕانەی لەبەر نەبوونی بەڵگەنامەی فەرمی، لەلایەن بەڕێوەبەرایەتیی هاتوچۆی هەولێر دەستیان بەسەردا گیراوە و لەو گەراجە دانراون.

 

ئەمەش بزانە: تاوەکو ئێستا زەرەر و زیانەکان بە دیاریکراوی نازانرێن، بەڵام ژمارەکی زۆر لە ماتۆڕسکیلەکان سوتاون.