300 کارمەندی شارەوانیی ئامەد لە کارەکانیان دووردەخرێنەوە

ئاڤا نیوز

 

300 کارمەندی شارەوانیی ئامەد لەڕێگەی نامەیەکەوە لە کارەکانیان دووردەخرێنەوە، پەرلەمانتارێکی دەم پارتی هۆکاری دوورخستنەوەیان بۆ ئاڤا نیوز ڕوون دەکاتەوە.

 

وێنە گەورەکە: دوورخستنەوەی کارمەندانی ئەو شارەوانییە، گردبوونەوە و ناڕەزایەتی لێکەوتەوە، ئەو کارمەندانە لە بەردەم باڵەخانەی شارەوانیy ئامەد گردبوونەوە و hوتافی "دەم پارتی لەگەڵ پەکەکە کار دەکات"ـیان دەگوتەوە.

 

هۆکارە زانراوەکان: بەگوێرەی قسەی کارمەندەکان، هۆکاری دەرکردنەکەیان ئەوەیە: سەر بە دەم پارتی نین.

 

لێدوانی فەرمی: مێهمێت کەماچ، پەرلەمانتاری دەم پارتی بە ئاڤای گوت: ئەو کارمەندانەی لە شەش مانگی کۆتایی لەلایەن قەییوومییەکان دامەزرێندران لە کار دوور دەخرێنەوە، ئەوان کارمەندی زیادەن و بودجەی شارەوانییەکە بەشی ئەو هەموو کارمەندە ناکات.

 

زانیارییە بەدەستهاتووەکان: لە وەڵامی پرسیارێکی ئاڤا نیوز، پرۆسەکە لە 300 کارمەند دەوەستێت؛ کەماچ گوتی: هەموو ئەو کارمەندانەی لە ماوەی شەش مانگی کۆتایی دامەزرێنداراون لە کار دووردەخرێنەوە، ئەمەش لە هەموو شارەوانییەک دەکرێت و لە ڕووی یاساییەوە ئاساییە. 

 

باکگرواند: لە هەڵبژاردنی 31ـی ئاداری شارەوانییەکانی تورکیا، دەم پارتی جگە لە شارەوانیی ئامەد، نۆ شارەوانی دیکەی بەدەست هێنا.