لە هەولێر سەنتەری شیاندنەوەی ئالوودەبووانی ماددەی هۆشبەر دەکرێتەوە

ئاڤا نیوز

 

لە بەڕێوەبەرایەتی چاکسازی ژنان و منداڵانی هەولێر سەنتەری شیاندنەوەی ئالوودەبووانی ماددەی هۆشبەر کرایەوە.

وێنە گەورەکە: بەپێی پلانی هەرێمی کوردستان بۆ مافەکانی مرۆڤ لە سەرجەم بەڕێوەبەرایەتییەکانی چاکسازیی کۆمەڵایەتی لە هەرێمی کوردستان سەنتەری شیاندنەوەی ئالوودەبووانی ماددەی هۆشبەر دەکرێتەوە.

 

لێدوانی فەرمی: ئیحسان عەبدولڕەحمان، بەڕێوەبەری گشتیی چاکسازیی کۆمەڵایەتی گوتی: هەموو ئەو کەسانەی بە مادەی هۆشبەر سزدراون لەڕێگەی پزیشکانی دەروونی، توێژەرانی کۆمەڵایەتی و توێژەرانی دەروونی چارەسەری و ڕاهێنانی دووبارە شیاندنەوەیان بۆ دەکرێت.

 

زانیاریی زیاتر: پێشتر لە دهۆک و سلێمانی سەنتەری شیاندنەوەی ئالوودەبووانی مادەی هۆشبەر کرابووەوە و ئەمڕۆش لە هەولێر ئەو سەنتەرە کرایەوە.

 

ژمارەکان وادەلێن: بەپێی دوایین ئامار 5533 کەس لە چاکسازییەکانی هەرێمی کوردستان سزادراون، لەو ژمارەیە 1381 کەسیان بە بەکارهێنان و بازرگانیکردن بە مادەی هۆشبەر سزادراون.