پارێزگاری سلێمانی: کارکردن بە منداڵ سزای یاسایی دەبێت

ئاڤا نیوز

 

پارێزگاری سلێمانی ڕایدەگەیێنێت، بۆ ڕووبەڕووبونەوەی دیاردەی کارکردن بە منداڵ، داوا لە هاووڵاتییان دەکەین چاودێر و هاکارمان بن.

 

بۆچی گرنگە: بەم هەنگاوە منداڵان دەتوانن لە ژینگەی کارکردن و فشاری ڕۆژانەی کار دووربکەونەوە و لە دونیای منداڵی خۆیاندا بژین.

 

لێدوانی فەرمی: د. هەڤاڵ ئەبوبەکر، پارێزگاری سلێمانی ڕایگەیاند: ڕێگریکردن لە کارکردن بە منداڵ تەنیا بە ڕێکخراوی منداڵپارێز و چاودێریی کۆمەڵایەتی و دامودەزگاکان ناکرێت، دەبێ هاونیشمانیانیش هاوکارمان بن، ئەگەر حاڵەتێکی سەرپێچی بینرا لایەنی پەیوەندیدار ئاگادار بکەنەوە، بۆ ئەوەی ئارامی و ئاسایشی کۆمەڵایەتی بپارێزین.