سێ کاتژمێرە ئاگرەکەی ڕێگەی گوێڕ بەردەوامە و نەتوانراوە کۆنترۆڵ بکرێت

ئاڤا نیوز

 

سێ کاتژمێرە ئاگر لە پاڵاوگەیەک لەسەر ڕێگەی هەولێر – گوێڕ کەوتووەتەوە؛ سێ کەس بریندارن و زیانێکی زۆری مادیشی هەبووە.

 

وێنە گەورەکە: شەوی چوارشەممە، ئاگر لە پاڵاوگەیەکی ئەهلی نەوت و گاز بە ناوی “جێگر” لە نزیک گوندی تەرجان کەوتەوە و بەپێی زانیارییە سەرەتاییەکان، چەند ئۆتۆمبێلێکی بارهەڵگر کە نەوتی خاو دەگوازنەوە لەگەڵ پاڵاوگەکە سووتاون.

 

لەپەیامنێرەوە: مەجیە خزر، پەیامنێری ئاڤا نیوز لەبارەی ڕووداوەکەوە گوتی: ئاگرەکە تەشەنەی سەندووە و تاوەکو ئیستا کۆنترۆڵ نەکراوە.

 

خاڵی ئەرێنی: تیمەکانی بەرگریی شارستانیی هەولێر گەیشتوونەتە شوێنی ڕووداوەکە و سەرقاڵی کۆنترۆڵکردنی ئاگرەکەن.