ئاگری پاڵاوگەکەی ڕێگەی گوێر بەردەوامە

ئاڤا نیوز

 

تاوەکو ئێستا هەشت کەس لە کاتی هەوڵدان بۆ کۆنترۆڵکردنی ئاگری پاڵاوگەکەی ڕێگەی هەولێر - گوێڕ بریندار بوون، نزیکەی شەش کاتژمێرە ئاگرەکە بەردەوامە و کۆنترۆڵ نەکراوە.

 

زیانە سەرەکییەکان: نزیکەی شەش کاتژمێرە ئاگری پاڵاوگەکەی سەر ڕێگەی هەولێر- گوێر بەردەوامی هەیە، تا ئێستا هەشت کەس لەکاتی هەوڵدان بۆ کۆنترۆڵکردنی ئاگری پاڵاوگەکە بریندار بوون، کە سێیان کارمەندی بەرگریی شارستانین، دوو لە کارمەندەکان برینەکەیان سەختە، هاوکات شەش ئۆتۆمبێل و تانکەر و بەرهەڵگریش سووتاون.

 

ئەوەی ئێستا ڕوودەدات: بەمەبەستی کۆنتڕۆڵکردنی ئاگرەکە زیاتر لە 35 تیمی ئاگر کوژێنەوە لە شوێنی ئاگرەکەن، تا ئێستا هەوڵی ئەوە دەدرێت ئاگرەکە تەشەنە نەکات و نەگاتە پاڵاوگەکانی دیکە.