چوار ڕۆژ هاتوچۆی بارهەڵگرەکان قەدەغە دەکرێت

ئاڤا نیوز

 

بەڕێوەبەرایەتیی هاتوچۆی هەولێر ئاگاداری شوفێرانی بارهەڵگر دەکاتەوە، ڕۆژانی جەژنی قوربان، هاتوچۆی بارهەڵگران لەسەر ڕێگەی سەیرانگەکان قەدەغەیە.

 

ڕاگەیێنراوی فەرمی: ڕاگەیاندنی بەڕێوەبەرایەتیی هاتوچۆی هەولێر ڕایگەیاند: ئەو ڕێگەیانەی کە دەکەونە سەر شوێنە گەشتیاری و سەیرانگەکان بەتایبەت ڕێگەی هەولێر - شەقڵاوە، لە چوار ڕۆژی جەژنی قوربان هاتوچۆی ئۆتۆمبێلی بارهەڵگریان لەسەر قەدەغە دەکرێت. 

 

بۆچی گرنگە: بەرێوەبەرایەتیی هاتوچۆی هەولێر دەڵێت، ئەم بڕیارە لەپێناو بەرژەوەندیی گشتی و دروستنەبوونی جەنجاڵی و ئاستەنگی هاتوچۆیە لەم ڕێگەیانە.

 

باکگراوند: سعودیە ڕۆژی یەکشەممە 16ـی ئەم مانگەی وەک یەکەم ڕۆژی جەژنی قوربان ڕاگەیاند و حکومەتی هەرێمی کوردستانیش بەبۆنەی جەژنەوە هەفتەی ئایندەی کردە پشوو.