سەرپەرشتیاری وەزارەتی دەرەوەی ئێران گەیشتە هەولێر

ئاڤا نیوز

 

 عەلی باقری، سەرپەرشتیاری وەزارەتی دەرەوەی ئێران گەیشتە فرۆکەخانەی نێودەوڵەتیی هەولێر و لەلایەن بەرپرسانی هەرێمی کوردستانەوە پێشوازی لێکرا.

 

وێنە گەورەکە:  ئەمڕۆ 14-6-2024 شاندێکی ئێرانی بە سەرپەرشتی عەلی باقر کنی گەیشتە هەولێر و دیداریان لەگەڵ سەرۆک بارزانی، سەرۆکی هەرێمی کوردستان و سەرۆکوەزیران بارزانی دەبێت.

 

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی ڕاگەیاند: بڕیاربوو کاتژمێر 8:40 خولەک عەلی باقر کنی سەرپەرشتیاری وەزارەتی دەرەوەی ئێران و شاندی یاوەری بگەنە فڕۆکەخانەی نێودەوڵەتیی هەولێر، بەڵام بەهۆی هێڵی ئاسمانی عێراقییەوە دواکەوتن.

 

زانیاریی زیاتر: لەلایەن ڕێبەر ئەحمەد و سەفین دزەیی و فەوزی هەریری و ئومێد خۆشناو پێشوازی لە شاندە ئێرانییەکە کرا، یەکەم دیداری شاندەکە لەگەڵ سەرۆک بارزانی دەبێت.