هەفتەیەکە چیاکانی ڕۆژهەڵاتی کوردستان دەسووتێن

ئاڤا نیوز

 

ماوەی هەفتەیەکە لە چیاکانی زاگرۆسی ڕۆژهەڵاتی کوردستان ئاگرێکی گەورە کەوتووەتەوە و تاوەکو ئێستا نەتوانراوە  ئاگرەکە کۆنترۆڵ بکرێت.

 

وێنە گەورەکە: ساڵانە لەگەڵ هاتنی وەرزی هاوین و وشکبوونەوەی پووش و پاوان ڕووداوەکانی ئاگرکەوتنەوە زیاد دەکەن.

 

لێدوانی فەرمی: ئەرسەلان یار ئەحمەدی، سەرۆکی ڕێکخراوی هەنگاو بە ئاڤا نیوزی ڕاگەیاند، هەفتەیەکە ئاگرێکی گەورە لە چیاکانی زاگرۆسی ڕۆژهەڵاتی کوردستان کەوتووەتەوە، خۆبەخشانی ژینگەپارێزی ئەو ناوچانە هەوڵی کوژاندنەوەی ئاگرەکە دەدەن و حکومەت تەنیا لە ناوچەی شاباد هێلیکۆپتەری ئاگرکوژێنەوەی بۆ یەکجار ناردووە. 

 

زانیاریی زیاتر: ئەو شوێنانەی ئاگریان گرتووە هەریەکە لە ناوچەکانی کۆیەشت، ئەیوان، شاباد، داڵاهۆ، سەرپێڵی زەهاو، ڕوانسەر، جوانڕۆ، پاوە، سەلاسی باوەجانی و مەریوان بوون، بەڵام تەنیا ئاگرەکەی چیای داڵاهۆ و ڕەوانسەر کۆنترۆڵکراوە، ئەوانی دیکە ئاگرەکەیان بەردەوامە.