کۆبوونەوەی سەرۆکوەزیران بارزانی و باقری دەستیپێکرد

ئاڤا نیوز

 

دوای پێشوازی سەرۆکوەزیران بارزانی لە عەلی باقری، سەرپەرشتیاری کاروباری وەزارەتی دەرەوەی ئێران، کۆبوونەوەی نێوان هەردوولا دەستیپێکرد.

 

وێنە گەورەکە: هەرێمی کوردستان پەیوەندییەکی بەهێزی ئابووری لەگەڵ ئێران هەیە، دوای دوو هەفتە لە دەستبەکاربوونی، ئەمە یەکەم سەردانی باقرییە بۆ هەولێر و چەندین دۆسیەی ئابووری و ئەمنی تاوتوێ دەکەن.

 

باکگراوند: سەرپەرشتیاری کاروباری وەزارەتی دەرەوەی ئێران بەر لەوەی بێت بۆ هەولێر، دوێنێ لە بەغدا چەندین دیداری هەبووە، بەیانیی ئەمڕۆ هەینی کاتژمێر  9:17 گەیشتە فڕۆکەخانەی نێودەوڵەتیی هەولێر و بڕیارە لەگەڵ هەریەکە لە سەرۆک بارزانی، سەرۆکوەزیران و سەرۆکی هەرێمی کوردستان کۆببێتەوە و ئێوارەش بچێتە پارێزگای سلێمانی و لەوێش چەندین دیداری دەبێت.