بۆ یەکەمجار گەشتی ڕاستەوخۆی فرۆکە لەنێوان هەولێر و لەندەن دەکرێت

ئاڤا نیوز

 

بەڕێوەبەری گشتیی فڕۆکەخانەی نێودەوڵەتیی هەولێر ڕایگەیاند،  بۆ یەکەمجارە گەشتی ڕاستەوخۆ لەنێوان هەولێر و لەندەن ئەنجام دەدرێت.

 

بۆچی گرنگە: ئەم هەنگاوە ئاسانکاری زیاتر بۆ گەشتکردنی گەشتیارانی هەرێمی کوردستان و بەریتانیا دروست دەکات، لە ڕووی ئابووریی و بازرگانیشەوە بۆ هەرێمی کوردستان و بەدیاریکراوی بۆ هەولێر گرنگە.

 

لێدوانی فەرمی: ئەحمەد وشیار، بەڕێوەبەری گشتیی فڕۆکەخانەی نێودەوڵەتی هەولێر بە ئاڤا نیوزی گوت: "یەکەمجارە گەشتی ڕاستەوخۆ لە فڕۆکەخانەی نێودەوڵەتیی هەولێر و فڕۆکەخانەی گاتویکی لەندەن دەکرێت، هەفتەی یەک گەشت لە کاتژمێر 2:30ـی ڕۆژانی هەینی ئەنجام دەدرێت".

 

خاڵی ئەرێنی: فرۆکەخانەی نێودەوڵەتیی هەولێر بەرنامەی زیادکردنی گەشتە ڕاستەوخۆکانی لەگەڵ وڵاتانی ئەوروپی هەیە.

 

زانیاریی زیاتر: ئێستا فڕۆکەخانەی نێودەوڵەتیی هەولێر 21 گەشتی ڕاستەوخۆی لەگەڵ وڵاتانی عەرەبی و ئەوروپی هەیە.