سەرۆکوەزیران بارزانی: ئارامیی ناوچەکە لە بەرژەوەندیی هەمووانە

ئاڤا نیوز

 

سەرۆکوەزیران بارزانی جەخت لە پەرەپێدانی پەیوەندی دوو لایەنە و چۆنیەتیی باشترکردنی پەیوەندییە ئابوورییەکانی نێوان ئێران و هەرێمی کوردستان دەکاتەوە و ڕایدەگەیێنێت: سەقامگیریی ناوچەکە لە بەرژەوەندیی هەموو ناوچەکەیە.

 

وێنە گەورەکە: هەینی 14-6-2024 سەرۆکوەزیران بارزانی، لەگەڵ عەلی باقر کەنی، سەرپەرشتیاری وەزارەتی دەرەوەی ئێران کۆبووەوە.

 

لێدوانی فەرمی: دوای کۆبوونەوەیان لەگەڵ سەرپەرشتیاری وەزارەتی دەرەوەی ئێران، سەرۆکوەزیران بارزانی لە کۆنگرەیەکی ڕۆژنامەوانیی هاوبەشدا ڕایگەیاند: کۆبوونەوەیەکی زۆر باشمان هەبوو لەسەر پەرەپێدانی پەیوەندی دوو لایەنە و چۆنیەتیی باشترکردنی پەیوەندییە ئابوورییەکانی نێوان هەرێمی کوردستان، عێراق و ئێران.

 

زانیاریی زیاتر: لەو کۆنگرەیەدا، باسی کێشە و گرفتە ئەمنییەکانی ناوچەکە کرا و هەردوولا هاوڕابووین لەسەر ئەوەی سەقامگیریی ناوچەکە لە بەرژەوەندیی هەمووانە.

 

لەلایەکی دیکە: عەلی باقر کنی ڕایگەیاند: پەیوەندییەکانمان لەگەڵ هەرێمی کوردستان پەیوەندییەکی برایانەیە کە ڕەگ و ڕیشەیەکی مێژوویی هەیە. هاوکات پەیوەندییەکی لێکدانەبڕاوی لەنێوانماندا دروستکردووە.

 

ئەوەی پێویستە بیزانیت: بڕیارە سەرپەرشتیاری وەزارەتی دەرەوەی ئێران هەر ئەمڕۆ لە هەولێر لەگەڵ سەرۆک بارزانی و نێچیرڤان بارزانی، سەرۆکی هەرێمی کوردستان کۆببێتەوە، دوای نیوەڕۆ سەردانی سلێمانی بکات و لەگەڵ بافڵ تاڵەبانی، سەرۆکی یەکێتی نیشتمانیی کوردستانیش کۆببێتەوە.