سەرۆکی هەرێمی کوردستان: ئێران دراوسێیەکی گرنگی هەرێمی کوردستانە

ئاڤا نیوز

 

نیوەڕۆی ئەمڕۆ نێچیرڤان بارزانی، سەرۆکی هەرێمی کوردستان پێشوازی لە عەلی باقر کەنی، سەرپەرشتیاری کاروباری وەزارەتی دەرەوەی ئێران کرد و باسی بەهێزی پەیوەندییەکانی نێوان هەردوولا کراوە.

 

وێنە گەورەکە: لە هەردوو کۆبوونەوەکەی لەگەڵ سەرۆکوەزیران بارزانی و سەرۆکی هەرێمی کوردستان، سەرپەرشتیاری کاروباری وەزارەتی دەرەوەی ئێران، پەیوەندی نێوان هەرێمی کوردستان و ئێرانی بە پەیوەندییەکی نزیک و دۆستانە باس کردووە.

 

ڕاگەیێنراوی فەرمی: سەرۆکایەتیی هەرێمی کوردستان ڕایگەیاند: نیوەڕۆی ئەمڕۆ هەینی سەرۆکی هەرێمی کوردستان لەگەڵ عەلی باقری کۆبووەتەوە و باسی پەیوەندییەکی باشی نێوان ئێران و هەرێمی کوردستان و عێراق کردووە لەسەر بنەمای بەرژەوەندیی هاوبەش. 

 

لەلایەکی دیکەوە: عەلی باقری، سەرپەرشتیاری کاروباری وەزارەتی دەرەوەی ئێران ڕایگەیاند، "ئێران سوپاسی هەرێم دەکات کە ساڵانە هاوکاری و ئاسانکاری پێشکەش بە زیارەتکارانی شیعە دەکات".

 

 باکگراوند: دوای سەردانیکردنی بەغدا، بەیانیی ئەمڕۆ عەلی باقری و شاندێکی یاوەری گەیشتنە هەولێر و دوای کۆبوونەوەی لەگەڵ سەرۆکوەزیران بارزانی و سەرۆکی هەرێمی کوردستان، بڕیارە لەگەڵ سەرۆک بارزانی کۆببێتەوە و دواتریش بەرەو پارێزگای سلێمانی بچێت.