سەرۆک بارزانی و باقری: جەخت لە پەیوەندییە دۆستانەکانمان دەکەینەوە

 ئاڤا نیوز

 

ڕۆژی هەینی 14ی حوزەیرانی 2024 لە سەڵاحەددین سەرۆک بارزانی پێشوازی لە عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 

ڕاگەیێنراوی فەرمی: لە دیدارەکەدا بارودۆخی سیاسیی ناوچەکە و عێراق تاوتوێ کرا و جەخت لە پەرەپێدانی پەیوەندی و دۆستایەتیی نێوان هەرێمی کوردستان و کۆماری ئیسلامیی ئێران بە تایبەت لەبواری ئابووری و بازرگانی و کولتووری  کرایەوە.

 

زانیاریی زیاتر: هەر لەو دیدارەدا سەرپەرشتیاری وەزارەتی دەرەوەی ئێران پێزانینی بۆ هەڵوێستی هەرێمی کوردستان لەمەڕ ڕووداوی کەوتنەخوارەوەی هێلیکۆپتەر و گیانلەدەستدانی سەرۆکكۆماری ئێران و یاوەرانی هەبوو، هەروەها سوپاسی وڵاتەکەی بۆ ناردنی شاندی تایبەتی هەرێمی کوردستان بۆ بەشداریکردن لە پرسەی گیانلەدەستدانی سەرۆککۆماری ئێران و یاوەرانی بە سەرۆک بارزانی گەیاند.

وێنە گەورەكە: شاندێكی باڵای كۆماری ئیسلامی ئێران بەسەرۆكایەتی عەلی باقری سەرپەرشتیاری وەزارەتی دەرەوەی ئێران سەردانی عێراق و هەرێمی كوردستانی كرد، لەگەڵ سەرۆكی هەرێمی كوردستان و سەرۆكوەزیران بارزانی و سەرۆك بارزانی كۆبووەوە و كەمێك پێش ئێستا گەیشتە سلێمانی.