لە هەولێر و سلێمانی هیچ بۆنەیەکی تایبەت بە جەژن بەڕێوەناچێت

ئاڤا نیوز

 

پارێزگاری هەولێر و سلێمانی باس لە بەڕێوەچوونی مەراسیمی تایبەت بە جەژنی قوربان دەکەن و ڕایدەگەیێنن، هیچ بۆنەیەکی تایبەت بە جەژن بەڕێوەناچێت.

 

بۆچی گرنگە: هاتنی گەشتیاران بۆ هەرێمی کوردستان جگە لە لایەنە ئابوورییەکەی، لەڕووە ئەمنییەکەشەوە دەرخەری ئەوەیە کە هەرێمی کوردستان بە شوێنێکی ئارام دادەنرێت.

 

لێدوانی فەرمی: هەڤاڵ ئەبوبەکر، پارێزگاری سلێمانی بە ئاڤا نیوزی گوت: هەموو ئامادەکارییەک بۆ جەژنی قوربان کراوە، دەسەڵات بە سەرۆکی یەکە کارگێڕیی و خزمەتگوزاری و ئەمنی و گەشتوگوزارییەکان دراوە، بۆ ئەوەی ژینگەیەکی لەبار بۆ خۆشگوزەرانی خەڵک و گەشتیاران بڕەخسێنن، بەڵام هیچ ئاهەنگێکی تایبەت ناکرێت.

 

لەلایەکی دیکەوە: ئومێد خۆشناو، پارێزگاری هەولێر بە ئاڤا نیوزی گوت: هیچ بۆنە و ئاهەنگێکی تایبەت بە جەژنی قوربان بەڕێوەناچێت، چونکە بۆنەکە ئایینییە و هەر ئاهەنگێک بکرێت، بیدعەیە.

 

ئەوەی پێویستە بیزانیت: ڕۆژی 16-6-2024 وەک یەکەم ڕۆژی جەژنی قوربان دیاری کراوە.