حکومەتی هەرێمی کوردستان بڕیارێک لە بەرژەوەندیی کرێکاران دەدات

ئاڤا دیجیتاڵ

 

بە بڕیاری حکومەتی هەرێمی کوردستان دەبێت کۆمپانیاکانی کەرتی گشتی و ناوخۆ، سێ بەشی کرێکارانیان دەستی کاری ناوخۆ بن.

 

وێنە گەورەکە: بۆ ڕەخساندنی هەلی کار و بووژانەوەی بازاڕی ناوخۆ، حکومەتی هەرێمی کوردستان بڕیاری داوە لە کۆمپانیا گشتی و تایبەتەکاندا 75%ـی کرێکارانیان ناوخۆیی بن و تەنیا 25%ـیان بیانی بن.

 

لێدوانی فەرمی: "لەسەرەتای مانگی شوباتی ئەمساڵەوە، پرۆسەکە کەوتووەتە بواری جێبەجێکردنەوە، هەوڵەکانیشمان بۆ چەسپاندنی ئەو بڕیارەی حکومەت بەردەوامن. هەر کۆمپانیایەکیش پابەند نەبێت، سزا دەدرێت". بڵند محەممەد، بەڕێوەبەری گشتیی تۆمارکردنی کۆمپانیاکان لە هەرێمی کوردستان بە ئاڤا نیوزی ڕاگەیاند. 

 

ژمارەکان وادەڵێن: لە هەرێمی کوردستان 86 هەزار و 413 کرێکاری بیانی هەن. 59 هەزار و 294ـیان خزمەتکاری ماڵانن و 27 هەزار و 119ـشیان کرێکاری پرۆژەکانن.

 

پاشخان: یاسای کار، ڕۆژی یەکی ئاداری 2023 بە کۆی دەنگی پەرلەمانتارانی پەرلەمانی کوردستان پەسەند کرا و هەوڵێکی دیکەی سەرۆکوەزیران بارزانی بوو بۆ پاراستنی مافی کرێکاران و باشترکردنی دۆخی ژیانیان.