یەكێتی داوای ئاشتەوایی دەكات

ئاڤا نیوز

 

مەکتەبی سیاسی یەکێتی بەبۆنەی ھاتنی جەژنی قوربان پەیامێکی پیرۆزبایی بڵاودەکاتەوە و داوای ئاشتەوایی و دووركەوتنەوە لە بارگرژی و ئاژاوە دەكات.

وێنە گەورەكە: ئەم پەیامەی یەكێتیی نیشتیمانی كوردستان لەكاتێكدایە، لە ماوەی ڕابردوودا بەهۆی لێدوانی دژ بە یەك لەبارەی هەڵبژاردنی خولی شەشەمی پەرلەمانی كوردستان ساردی و ناکۆکی لە نێوان لایەنە سیاسییەكان دروست بوو.

پەیامی فەرمی: مەکتەبی سیاسی یەکێتی پیرۆزبایی جەژن ئاراستەی موسڵمانانی کوردستان و عێراق و جیهان دەکات و دەڵێت "هیوادارین  ئاشتەوایی دروستبێت و بارگرژیی نەمێنێت".

زانیاریی زیاتر: مەكتەبی سیاسی یەكێتی بە پێویستی دەزانێت "هەمووان بە گیانی لێبوردەیی و ئاشتەوایی و گەردن ئازادی ئەم جەژنە پیرۆز بکەین، تا گەلەکەمان بە ئاسودەیی و دوور لە هەر بارگرژییەک، جەژن و یاد و بۆنە ئایینی و نیشتمانی و نەتەوەییەکان بە خۆشی و شادی بکەنەوە".