زیاتر لە 50 هەزار گەشتیار سەردانی سلێمانییان كردووە

ئاڤا نیوز

 

بەڕێوەبەرایەتی گەشتوگوزاری سلێمانی ڕایگەیاند " تا کاتژمێر 12ی شەوی ڕابردوو ناوی 50 هەزار گەشتیار لە بازگەکانی پارێزگای سلێمانی تۆمار کراون.

 

وێنە گەورەکە: ساڵانە لە جەژن و بۆنەکان، گەشتیاران لە شارەکانی ناوەڕاست و خوارووی عێراقەوە، ڕوو لە شوێنە گەشتیارییەکانی پارێزگاکانی هەرێمی کوردستان دەکەن.

 

لێدوانی فەرمی: ئارام شوانی، گوتەبێژی بەڕێوەبەرایەتی گشتوگوزاری سلێمانی بە ئاڤا نیوزی گوت: ئەو ئامارەی وەرگیراوە تا دوێنێ شەوە، بەڵام ئەمڕۆ لە بازگەکان پێشبینی دەکرێت زیاد لە 30 هەزار گەشتیار هاتبن، واتا تا بەیانی پێشبینی هاتنی زیاتر لە 80 هەزار گەشتیار دەکەین و %90ی ئەو گەشتیارانە لە ناوەڕاست و خوارووی عێراقەوە هاتوون.

 

ئەوەی پێویستە بیزانیت: لە سنووری پارێزگای سلێمانی هەزار و 600 شوێنی گەشتیاری ناویان تۆمارکراوە و زیاتر لە 480 هۆتێل هەن.