ئەو سێ گەنجەی پەكەكە دەستگیری كردبوون ئازادكران

ئاڤا نیوز

 

ئەو سێ گەنجەی لە سنووری ناحیەی شیلادزێ، لە چەند ڕۆژی ڕابردوو لە لایەن پەکەکەوە دەستگیر کرابوون، دوێنێ شەو ئازاد کران.

 

چیرۆکی سەرەکی: ڕۆژی 09-06-2024، لەلایەن پەکەکەوە سێ گەنج بەناوەکانی 'دیار نەزمی، هێمن تەیمووس و سەفین عەلی' کە خەڵکی کۆمەڵگەی سیرێی سەر بە ناحیەی شیلادزێن و میدیای فەرمی یەکێتی بە کادیری حیزبەکەیان ناویان دەبات، دەستگیر کران، دوێنێ شەو ئازد کران.

 

لێدوانی فەرمی: نزمی سیتەیی، باوکی یەکێک لە گیراوەکان بە ئاڤا نیوزی ڕاگەیاند: "درەنگانی شەوی ڕابردوو هەرسێ گەنجەکە ئازد کران و گەیشتنەوە نێو کەسوکاریان".

 

وێنە گەورەکە: بەهۆی بوونی پەکەکە لە بەشێکی پارێزگای دهۆک بە گشتی و سنووری ئامێدی و ناوچە سنوورییەکان بە تایبەتی، هاونیشتمانیان ناتوانن بچنەوە گوندە چوڵکراوەکانیان کە ژمارەیان زیاتر لە 200 گوندە و  بەردەوام مەترسیی هێرشی تورکیا و هەڕەشەی پەکەکەیان لەسەرە.