بزووتنەوەی گۆڕان ئامادەیە بۆ هەڵبژاردن

ئاڤا دیجیتاڵ

 

گوتەبێژی بزووتنەوەی گۆڕان دەڵێت "هەفتەی ڕابردوو سەركەوتووانە كۆنفڕانسی نیشتیمانی گۆڕانمان گرێدا، بەكۆمەڵێك ڕاسپاردە بۆ كاری ڕێكخراوەیی و كۆمەڵێك هەموار لەدەستووری نێوخۆیی بزوونتنەوەكە.

دلێر عەبدولخالق گوتەبێژی بزووتنەوەی گۆڕان دەشڵێت "قۆناغی دووەم ژوورە پەیوەندیدارەكانی بزووتنەوەی گۆڕان لە دوای كۆنفڕانسەوە كاری لەسەر دەكەن، بریتی دەبن لە هەڵبژاردن لەخوارەوە بۆ سەرەوە، بەگوێرەی ئەو گۆڕانكارییانەی لە دەستووری ڕێكخراوەیی كراون، خانەی ڕاپەراندان وەك دامەزراوەیەكی جێبەجێكاری بڕیارەكانی جڤاتی نیشتمانیی، بەو میكانزمەی كە دانراوە، پێویستە لە ئایندەیەكی نزیك هەڵبژاردنی یەكە ڕێكخراوەییەكان و ئۆرگانەكان (بازنە، ڕایەڵە و ئەنجوومەنی قەزاكان) بەڕێوەبچێت".

"دواهەمین قۆناغ بریتی دەبێت لە هەڵبژاردنی خانەی ڕاپەڕاندن و ڕێكخەری گشتیی، لە ئێستادا ژووری هەڵبژاردن و ژووری یاسایی بزووتنەوەكە لەگەڵ كۆمیسیۆنی باڵای سەربەخۆی هەڵبژاردنەكانی عێراق لەسەرهێڵن، سێ هەڵبژاردنی دیكە هەن كە بریتین لە خانەی ڕاپەڕاندن، ڕێكخەری گشتیی بزووتنەوەی گۆڕان و شەش سكرتاریەت لەنێو بزووتنەوەی گۆڕان هەیە، دوای ئەو هەنگاوانە دەرگای خۆپاڵاوتن دەكرێتەوە".

گوتەبێژی بزووتنەوەی گۆڕان باس لەوەدەكات "هیوادارن هەڵبژاردن لە وادەی دیاریكراوی خۆیدا بكرێت، چونكە هەڵبژاردن نوێكردنەوەی ڕەوایەتی دامەزراوە سیاسییەكانە، بەو ئامانجە دەچنە نێو هەڵبژاردنەوە كە ئەنجامەكانی لە ئاست چاوەڕوانی ئەوان و ئەو دەنگدەرانە بێت كە ئومێدیان لەسەر بزووتنەوەی گۆڕان هەڵچنیوە".