نەتانیاهۆ: نامانەوێت شەڕێكی تر لە لوبنانەوە بەرۆكمان بگرێت

ئاڤا نیوز

سەرۆكوەزیرانی ئیسرائیل دەڵێت، "دەمانەوێت بەزووترین كات شەڕ لە غەززە تەواو ببێت و ناشمانەوێت لە لوبنانەوە تووشی شەڕێكی دیكە ببین".

وێنە گەورەکە: ئاڵۆزییەكانی نێوان ئیسرائیل و حزبوڵا لە باشووری لوبنان لە ئاستێكی زۆر بەرزدایە، هەردوولا هەڕەشەی بەهێزبوونی شەڕەكە دەكەن.

لێدوانی فەرمی: بنیامین نەتانیاهۆ، سەرۆكوەزیرانی ئیسرائیل ڕایگەیاند:" ئێستا دوو ئامانجمان هەیە، یەکەممان ئەوەیە کە بە خێرایی  لە شەڕی غەززە سەربکەوین، ئامانجی دووەمیشمان ڕێگریکردنە لە ڕوودانی شەڕ لە بەرەی لوبنان".

ئەوەی ئێستا ڕوودەدات: گەورە بەرپرسانی ئیسرائیل باس لەوە دەكەن، دوای تەواوبوونی ئۆپەراسیۆنی ڕەفەح كۆتایی بە شەڕی غەززە دەهێنن.