هەیڤا بووری ل زاخۆ 40 کەس ب تۆهمەتا دزیێ هاتینە گرتن

ئاڤا دیجیتاڵ

 

ب گوتنا پۆلیسێن زاخۆ، هەیڤا بووری ل سنوورێ ئیدارەیان وان 40 کەس ب تۆهمەتا دزیێ هاتینە گرتن، کو بەشەک ژ وان دزی ژ مزگەفتان کرینە.

 

داخویانیا فەرمی: ڕائید ئەحمەد ڕەمەزان، پەیڤدارێ پۆلیسێن زاخۆ بۆ ئاڤا نیوز راگەهاند: "ل هەیڤا ئێک یا دەستپێکا ئەڤسالە نڤیسینگەها نەهێلانا گونەهباریان شیاینە 40 کەسان دەستەسەربکەن کو ژیێ وان د ناڤبەرا 18 بۆ 40 سالیێ دابووینە و دزیێن جۆر ب جۆر کرینە".

 

زانیاریێن زێدەتر: ئێک ژ وان تۆهمەتباران دانپێدان کریە، کو بەردەوام بۆ دزیکرنێ چوویە مزگەفتان و ل دەمێ نڤێژێ دزى ژ وەلاتیان کریە، کەسەکێ دی ژی هەشت جاران دزى ژ مارکێت و جهێن فرۆتنا کەلوپەلێن کارەبێ و پێشانگەهان کرینە.

 

لدیڤ زانیارییێن بدەست ئاڤا میدیا کەفتین، پتریا کەسێن هاتینە دەستەسەرکرن بکارئینەرێن ماددەیێن هۆشبەر بووینە.