گەڕی سێیەمی یارییەکانی یۆرۆی 2024 دەستپێدەکات

ئاڤا نیوز

گەڕی سێیەمی یارییەکانی یۆرۆ دەستپێدەکات، دوو هەڵبژاردەی دیکە ڕکابەری بۆ جیهێشتنی کۆمەڵەی یەکەم دەکەن، سەرجەم یارییەکانیش لە یەککاتدا دەکرێن.

وێنە گەورەکە: سێ هەڵبژاردە بلیتی گەیشتن بە قۆناغی 16 یان مسۆگەر کردووە، کە ئەڵمانیا، ئیسپانیا و پۆرتوگالن. گەڕی سێیەم ناسنامەی 13 هەڵبژاردەی دیکەی سەرکەوتوو ئاشکرا دەکات.

شێوازی جێبەجێکردن: کاتژمێر 10:00  لە یاریگەی فڕانکفۆڕت ئەرینا، هەڵبژاردەی سویسرا بۆ زامن کردنی بلیتێکی دیکەی کۆمەڵەکە ڕووبەڕووی ئەڵمانیا دەبێتەوە، بەڵام ئەم ئەرکەی ئاسان نابێت، چونکە ئامارەکانی مێژوو لە دژی ئەو هەڵبژاردەیەن و 36 جار بە ماکینەکانی ئەڵمانیا دۆڕاون و تەنیا نۆ یارییان بردووەتەوە، لە هەشت یاریی دیکەشدا یەکسانبوون.

لە لایەکی دیکەوە: سکۆتلەند كە لە کۆمەڵەکەی خاوەنی خاڵێکە ڕووبەڕووی هەنگاریا دەبێتەوە، کە هیچ خاڵێکی نییە و نایەوێ وابە ئاسانی پاڵەوانێتیەکە جێبهێڵێت، بەڵکو بۆ زامنکردنی پێگەی یەكێک لە باشترین سێیەمەکان دەجەنگێت.

ئەوەی پێویستە بیزانیت: ئەمڕۆ ئاڤا سپۆڕت لە دوو کاتی جیاوازدا ستۆدیۆی دەبێت، کاتژمێر 9:20 خولەک ستۆدیۆی شیکاری ئاسام و چێنەر دەبێت، کاتژمێر 12 چێنەر لایڤ لەسەر شرۆڤەی ڕووداوەکانی هەردوو یاری دەکات.