بەهۆی گەرماوە كارەبای نیشتمانی كەم دەبێتەوە

ئاڤا نیوز  

گوتەبێژی وەزارەتی کارەبای هەرێمی کوردستان ڕایگەیاند، بەرنامەی پێدانی کارەبا جێگیر نییە و بەپێی ڕۆژ نییە.

وێنە گەورەکە: ساڵانە لەگەڵ بەرزبوونەوەی پلەکانی گەرما لە هاوین و دابەزینی پلەکانی گەرما لە زستان دا، خواست لەسەر بەکارهێنانی کارەبا دەگۆڕێت، بۆیە بەزۆری لەم دوو وەرزەدا پێدانی کارەبا کەم دەبێتەوە.

لێدوانی فەرمی: ئومێد ئەحمەد، گوتەبێژی وەزارەتی کارەبا، بە ئاڤا نیوزی گوت: لە ڕۆژانی پشوودا لە نێوان 12،13،14 کاتژمێر کارەبا دراوە، بەڵام ئەمە ڕۆژانە نییە و جێگیر نییە و کۆتایی مانگەکە کۆی گشتی ئەو کارەبایەیی دراوە کۆیدەکەینەوە و دەرەکەوێ چەند کارەبامان داوە، بەڵام لەگەڵ بەرزبوونەوەی پلەکانی گەرما خواست لەسەر کارەبا زیاد دەبێت.

گۆشەیەکی دیکە: لە چەند گەڕەکێک بەهۆی کەمی پێدانی کاتژمێرەکانی کارەباوە گرفتی کەمئاوی دروست بووە، بە گوتەی ئومێد ئەحمەد "کەس پەیوەندی پێوە نەکردووین کە بەهۆی کەمی کارەباوە کێشەی ئاوی بۆ دروست بووبێت".