ئیتاڵیا و کرواتیا کێبڕکێی بەدەستهێنانی بلیتی دووەمی کۆمەڵەکەیان دەکەن

ئاڤا نیوز

گەڕی سێیەمی یارییەکانی یۆرۆ بەردەوامە، ئەمڕۆ ناسنامەی کۆمەڵەی دووەم یەکلایی دەبێتەوە. 

وێنە گەورەکە: لە کۆمەڵەی یەکەم ئەڵمانیا و سویسرا سەرکەوتن بۆ قۆناغی 16، هەنگاریا هەلی بەدەستهێنانی یەکێک لە پێگەکانی باشترین سێیەمی هەیە. 

شێوازی جێبەجێکردن: کاتژمێر 10:00  لە یاریگەی لایپزیگ، هەڵبژاردەی کرواتیا و ئیتاڵیا بۆ بەدەستهێنانی پێگەی دووەمی کۆمەڵەکە ڕووبەڕوو دەبنەوە، پێش ئەم یارییە ئیتاڵیا بە سێ خاڵ دووەم و کرواتیا بەخاڵێک چوارەمن، تەنیا بردنەوە هیوای مۆدریچ و هاوڕێکانی زیندوو دەکاتەوە، بۆ بەدەستهێنانی بلیتی دووەمی ئەو کۆمەڵەیە.

زانیاریی زیاتر: مێژوو لەبەرژەوەندی کرواتییەکانە، لە سێ یاریی بردنەوەیەکیان تۆمارکردووە و دوو یارییش یەکسانبوون.

لە لایەکی دیکەوە: لەهەمان کاتژمێردا ئیسپانیا لەسەر یاریگەی دۆڵسدۆرف ئەرێنا ڕووبەڕووی ئەلبانیا دەبێتەوە،لارۆخا سەرکەوتنی بە پلەی یەکەم لەم کۆمەڵەیە مسۆگەرکردووە، ئەلبانیا یەک خاڵی هەیە و دەیەوێ پێگەیەکەی ئەم کۆمەڵەیە دەستەبەر بکات.

ئەوەی پێویستە بیزانیت: ئاڤا سپۆڕت ڕووماڵی هەردوو یارییەکە دەکات و کاتژمێر ‌9:30 خولەک ئاسام جەباری ستۆدیۆی شیکاری دەبێت.