بۆ دووەم جار كاتی دەنگدان لە ئێران درێژكرایەوە

ئاڤا نیوز

بۆ جاری دووەم وادەی دەنگدان لە ئێران درێژكرایەوە، دەنگدەران دەتوانن تا كاتژمێر 10 ی ئەمشەو بە كاتی تاران دەنگ بدەن.

لێدوانی فەرمی: كۆمیسیۆنی باڵای سەربەخۆی هەڵبژاردنەكانی ئێران ڕایگەیاند:"لەبەر ئەوەی ژمارەیەكی زۆر لە هاووڵاتیان  ڕوویان لە سندوقەكانی دەنگدان كردووە و پەیوەندییەكی زۆرمان پێگەیشتووە لە بنكەكانەوە بۆیە دوو كاتژمێری دیكە دەنگدان درێژكرایەوە".

بۆچی گرنگە: درێژكردنەوەی كاتی دەنگدان كاریگەری دەبێت لەسەر ئەنجامی هەڵبژارنەكان و دەنگی بەربژێرەكان.

ئەوەی ئێستا ڕوودەدات: بەپێی ئەو گرتە ڤیدیۆ و وێنانەی لە سەداو سیمای ئێرانەوە دەبینرێت، بنكەكانی دەنگدان لە ئێران قەرەباڵخن و بەشێكی زۆر لە هاووڵاتیان ڕوویان لە سندوقەكانی دەنگدان كردووە.

ئەوەی پێویستە بیزانیت: 61 ملیۆن هاووڵاتی لەسەرتاسەری ئێران مافی دەنگدانیان هەیە.