لە هەڵبژاردنی ئێران هیچ بەربژێرێک ناتوانێت دەنگی پێویست بهێنێت

ئاڤا نیوز

چوار كەس بەربژێرن بوون بۆ پۆستی سەرۆككۆماری ئێران، هەر كامیان بتوانێت لە سەدا 50+1ی دەنگەكان بەدەستبهێنێت دەبێتە براوە.

وێنە گەورەكە: بەپێی ئەنجامی جیاكراوەی زیاتر لە 19 ملیۆن دەنگ، هەریەكە لە مەسعوود پزیشكیان و سەعید جەلیلی زۆرترین دەنگیان بەدەستهێناوە، بەڵام هیچكام لە بەربژێرەكان نەیانتوانیوە 50+1ی دەنگەكان بەدەست بهێنێت.

لێدوانی فەرمی: موحسین ئیسلامی، گوتەبێژی مەڵبەندی گشتیی هەڵبژاردنەكانی ئێران بە میدیای فەرمی وڵاتەكەی ڕاگەیاند:” ئەو دوو كەسەی زۆرترین دەنگیان بەدەستهێناوە دەچنە خولی دووەمی هەڵبژاردنەكانەوە و ڕکابەری یەكتر دەكەن".

ئەوی پێویستە بیزانیت: دوای سێجار لە درێژكردنەوەی كاتی دەنگدان، لە کۆی زیاتر لە 61 ملیۆن دەنگدەر تەنیا 24 ملیۆن دەنگدەر بەشداریی هەڵبژاردنەکەیان کرد و  ڕێژەی بەشداریكردن 39% بووە، جیاكردنەوەی دەنگەكانیش لە سەرجەم پارێزگاكانی ئێران بەردەوامە.