وەزیری بەرگریی تورکیا لەکوێ خەوت؟

ئاڤا دیجیتاڵ

 

وەزیری بەرگریی تورکیا ئێوارەی دوێنێ بە سەردانێک گەیشتە هەرێمی کوردستان و شەوی ڕابردوو لە هۆتێلێکی شاری هەولێر خەوت. 

 

زانیاریی تایبەت: ئاڤا نیوز زانیویەتی، شەوی ڕابردوو، یەشار گولەر لە هۆتێل دیڤان لە شاری هەولێر ماوەتەوە و خەوتووە. 

 

بۆچی گرنگە: مانەوەی وەزیری بەرگریی تورکیا لە هەولێر، دەرخەری ئاسایش و ئارامی هەرێمی کوردستانە. 

 

ئەوەی پێویستە بیزانیت: یەشار گولەر، وەزیری بەرگریی تورکیا دوێنێ سێشەممە 06-02-2024 بە سەردانێک گەیشتە بەغدا و لەگەڵ بەرپرسانی باڵای عێراق کۆبووەوە و پرسی ئاو، دۆسیەی ئەمنی و کێشەکانی فڕۆکەخانەی سلێمانی تاوتوێ کران؛ لە درێژەی سەردانەکەیدا ئێوارەکەی گەیشتە شاری هەولێر. 

 

باکگراوند: تورکیا و هەرێمی کوردستان هەمیشە پەیوەندییەکانیان بە "دۆستانە" ناودەبەن؛ لە بوارەکانی سیاسی، ئابووری و ئەمنی هەماهەنگی لەنێوانیاندا هەیە، کۆتایی مانگی ڕابردووش ئیبراهیم کاڵن، سەرۆکی دەزگای هەواڵگریی تورکیا (میت) سەردانی هەولێری کرد و لەگەڵ سەرۆک بارزانی کۆبووەوە.