سەرجەم حاجییانی کوردستان و عێراق گەڕانەوە

ئاڤا نیوز  

 

ئێوارەی ڕۆژی یەکشەممە، سەرجەم حاجیانی هەرێمی کوردستان و عێراق لە وڵاتی سعودیەوە لە ڕێگەی ئاسمانییەوە گەڕانەوە.

وێنە گەورەکە: ئەمساڵ بە فەرمی زیاتر لە 39 هەزار کەس لە هەرێمی کوردستان و عێراقەوە بۆ بەجێهێنانی فەریزەی حەج لە ڕێگەی وشکانی و ئاسمانییەوە گەشتی وڵاتی سعودیەیان کردبوو.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئاینی بە ئاڤا نیوزی ڕاگەیاند: ئەمشەو دوایین کاروانی حاجییان دەگەنەوە فڕۆکەخانەی نێودەوڵەتی هەولێر، پێشتریش لە ڕێگەی 72 پاسەوە هەزارو 620 لە ڕێگەی وشکانی گەڕاوبوونەوە.

لە لایەکی دیکەوە: هاوکات وەزارەتی گواستنەوەی عێراق گەیشتنەوەی سەرجەم حاجیانی عێراقی لە ڕێگەی ئاسمانییەوە ڕاگەیاند. ڕۆژی 25ی ئەم مانگەش سەرجەم حاجیانی عێراق لە ڕێگەی وشکانی گەڕابوونەوە.