شاندی هەرێمی کوردستان و حکومەتی عێراق کۆبوونەوە

ئاڤا نیوز 

شاندێکی حکومەتی هەرێمی کوردستان کە لە شەوی ڕابردووەوە لە بەغدایە، لەگەڵ تیمی حکومەتی عێراق بە مەبەستی هاوتاکردنی پرسی خاڵە سنوورییەکان و پرسی مووچەی هێزە ئەمنییەکان کۆبوونەوە.

وێنە گەورەکە: شەوی 30-6-2024، شاندێکی حکومەتی هەرێمی کوردستان کە لە ڕێبەر ئەحمەد وەزیری ناوخۆ، ئاواتی شێخ جەناب وەزیری دارایی، ساماڵ عەبدولڕەحمان بەڕێوەبەری گشتیی گومركی هەرێمی كوردستان پێکهاتبوون گەیشتنە بەغدا.

لێدوانی فەرمی: ساماڵ عەبدولڕەحمان، بەڕێوەبەری گشتی گومركی هەرێمی كوردستان بە ئاڤا نیوزی گوت: ئێستا لەگەڵ تیمی عێراقی لە کۆبوونەوەداین.

ئەوەی پێویستە بیزانیت: ئامانج لە سەردانەکەی شاندەکەی کوردستان، بۆ گفتوگۆکردنە لەسەر بابەتی یەکخستنی ڕێکارە تەکنیکییەکانی خاڵە سنوورییەکانی هەرێمی کوردستان لەگەڵ عێراق.