ئەمشەو لە یۆرۆ چارەنووسی ڕۆناڵدۆ و مباپێ یەکلایی دەبێتەوە

ئاڤا نیوز

 

بە بەڕێوەچوونی دوو یاریی  قۆناغی 16 یارییەکانی یۆرۆ  بەردەوام دەبێت، ناسنامەی دوو هەڵبژاردەی دیکە دیار دەبێت.

 

وێنە گەورەکە: ڕۆناڵدۆ و هاوڕێيەکانی بۆ قەرەبووی ئاستخراپی یاریی سێیەمی قۆناغی کۆمەڵەکان و لەلایەکی دیکەوە ڕووبەڕووبوونەوەی دی بروین و مباپێ گڕ لە یاریگەی دۆسڵدۆرف ئەرێنا بەردەدەن.

 

شێوازی جێبەجێکردن: ئەمشەو کاتژمێر 07:00 بەکاتی هەرێمی کوردستان لەسەر یاریگەی دۆسڵدۆرف، بەلجیکا و فەڕەنسا بەهێزترین یاریی ئەم قۆناغە دەکەن؛ شەیتانە سوورەکان باڵادەستن بەرامبەر بە کەڵەشێرەکان 30 یارییان بردووەتەوە، فەڕەنسا 26 یاریی و لە 19 یارییشدا یەکسانبوون.

 

زانیاریی زیاتر: کاتژمێر 10:00ی شەو یاریگەی فڕانکفۆڕت ئەرینا، پۆرتوگال بەرامبەر بە سلۆڤینیا یاریی دەکات، شکست بەرامبەر بە جۆرجیا لە یاریی سێیەم نیشانەی سەرسوڕمانی خستووەتە سەر ئاستی پۆرتوگێز و تا ڕادەیەک لە پاڵێوراوی نازناوەکە دوورکەوتووەتەوە.

 

ئەوەی پێویستە بیزانیت: ئاڤا سپۆڕت ڕووماڵی یارییەکان دەکات و کاتژمێر 6:30 و ‌9:30ـی ئەمشەو ئاسام جەباری ستۆدیۆی شیکاری دەبێت، چێنەر  لە 9:00 ستۆدیۆی یۆرۆ و  کاتژمێر 12ـی شەو، دوای تەواوبوونی یارییەکان لایڤ دەکات.