توركیا داوا لە كارمەندەكانی دەكات ڕۆژئاوای كوردستان جێبهێڵن

ئاڤا نیوز

توركیا داوا لە كارمەندان و هاووڵاتییەكانی دەكات، بەپەلە سووریا جێبهێڵن و بگەڕێنەوە وڵاتەكەی خۆیان.

وێنە گەورەكە: لە دوو ڕۆژی ڕابردوودا شەڕو پێكدادان و ئاڵۆزی و خۆپیشاندان لە 15 ناوچەی ڕۆژئاوای كوردستان دژی توركیا بەڕێوەچوو داوای دەرچوونی توركیا لە ڕۆژئاوای كوردستان دەكەن، ئەمڕۆش توركیا داوا لە هاووڵاتییانی دەكات بەپەلە سووریا و ڕۆژئاوای كوردستان جێبهێڵن.

پەیامی فەرمی: وەزارەتی ناوخۆی توركیا لە ئێكس نوسیویەتی:"داوا لە سەرجەم كارمەندانی حكومەت و هاووڵاتییانی وڵاتەكەمان دەكەین سووریا و باكووری ئەو وڵاتە چۆڵبكەن و بگەڕێنەوە وڵاتەكەی خۆیان".

ئەوەی پێویستە بیزانیت: ئەم ئاڵۆزییانە لەكاتێكدایە سووریا و توركیا لەسەروبەندی نوێكردنەوەی پەیوەندییەكانی نێوانیانن و دەیانەوێت جارێكی دیكە پەیوەندییە سیاسییەكانیان دروستبكەنەوە.