لە چەند پارێزگایەکی تورکیا هێرش دەکرێتە سەر کۆچبەرە سوورییەکان

ئاڤا نیوز

 

پرسی کۆچبەرە سوورییەکان لە تورکیا، ئاڵۆزی و تووندوتیژی لێدەکەوێتەوە و زیاتر لە 474 کەسی بەوهۆیەوە دەستبەسەر دەکرێن.

 

بۆچی گرنگە: ئەم ڕووداوە تووڕەیی خەڵکی تورکیا بۆ کۆچبەرە سوورییەکان قووڵتر دەکاتەوە و داوا دەکەن، کۆچبەرە سوورییەکان لەو وڵاتە دەربکرێن.

 

وێنە گەورەکە: لە کاردانەوەی ڕووداوەکەی قەیسەریی تورکیا، لە ڕۆژئاوای کوردستان هاووڵاتیان هێرشیان کردە سەر بنکە و بارەگاکانی تورکیا و ئاڵای تورکیایان سووتاند،  لە بەرامبەردا درەنگانی دوێنێ شەو خەڵکی تورکیا لە قەیسەری و هاتای و ئەدەنە و ئیستەنبووڵ  هێرشیان کردە سەر ماڵە سوورییەکان و ژمارەیەک دووکانیان سووتاند.

 

ڕاگەیێنراوی فەرمی: وەزارەتی ناوخۆی تورکیا ڕایگەیاند، بە تۆمەتی دەستدرێژیکردنە سەر ماڵی کۆچبەرە سوورییەکان لە چەند پارێزگایەکی تورکیا، 474 کەس دەستبەسەرکراون، داوا دەکەن خەڵکی تورکیا ئارامیی وڵات بپارێزن.

 

زانیارییە بەدەستهاتووەکان: بە پێی ڕاگەیێنراوەکە، 285 کەس لەو کەسانەی دەستبەسەرکراون، پێشینەی تاوانیان هەبووە.