ئەردۆغان لەبارەی گرژییەکانی ڕۆژئاوای کوردستان هاتەدەنگ

ئاڤا نیوز

 

دوای سووتاندن و داگرتنی ئاڵای تورکیا لە سووریا، ئەردۆغان هاتەدەنگ، هەڕەشە لەو کەسانە دەکات کە "فیتنە" دروست دەکەن  و هۆکارن بۆ ئەم گرژییانە.

 

وێنە گەورەکە: ئەردۆغان لە کاردانەوەی هێرشی سەر بارەگاکانی تورکیا لە شارەکانی سووریا قسەی کردووە و هەڕەشەی شکاندنی ئەو دەستانە دەکات، دەستیان بۆ ئەو ستەملێکراوانە درێژ کردووە کە پەنا بۆ وڵاتەکەمان دەبەن.

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: باش دەزانین کێ لە پشت ئەم کارانەیە، ڕووداوە قێزەونەکەی قەیسەریی تورکیا و ئەوەی سووریاش هەمان دەستی لە پشتەوەیە، ئێمە و برایانمان لە سووریا ناکەوینە نێو ئەو تەڵەیەوە، ئەوان دەیانەوێت بەم جۆرە کارانە ناوچەی تیرۆریستان لەو دیوی سنوور دروست بکەن.

 

باکگراوند: دوێنی شەو، لە شارەکانی ڕۆژئاوای کوردستان ناڕەزایەتی لە دژی بوونی هێزەکانی تورکیا دروست بوو، بەهۆی گرژییەکانیشەوە حەوت کەس کوژران و 20ـی دیکەش برینداربوون.