ئەردۆغان ژمارەیەک کاربەدەستی حکومی دووردەخاتەوە

ئاڤانیوز

 

دوای دوورخستنەوەی دوو وەزیری کابینەکەی، ئەمڕۆ ژمارەیەک لە بەڕێوەبەرانی گشتیی وەزارەتەکان بە واژووی ئەردۆغان لە پۆستەکانیان دوورخرانەوە. 

 

وێنە گەورەکە: ڕۆژنامەی فەرمیی سەرۆکایەتیی کۆماری تورکیا ڕایگەیاند، بە واژووی ڕەجەب تەیب ئەردۆغان، سەرۆککۆماری تورکیا، ژمارەیەک بەڕێوەبەری گشتی لە هەریەک لە وەزارەتەکانی، بەرگری، دەرەوە، گواستنەوە، کاروباری ئایینی، کۆچبەران، وزە و بازرگانی لە پۆستەکانیان دوورخرانەوە.

 

زانیاریی بەدەستهاتوو: ئەو کەسانەی لە پۆستەکانیان دوورخراونەتەوە، زۆربەیان بەڕێوەبەری گشتیی وەزارەتەکانن، بەبێ ئەوەی ئاماژە بە هۆکارێکی دیاریکراو بکرێت.

 

ئەوەی پێویستە بیزانیت: دوای هەڵبژاردنی شارەوانییەکان لە 31ی ئاداری ڕابردوودا کە ئاکپارتی دوای دوو دەیە بەرامبەر جەهەپە دۆڕا، ئەردۆغان دەستی بە چاکسازی لە کابینەکەی کردووە.